Mar 26, 2018

TANGI E RIZQ KO DAFA KARNAY AUR MALDAR HONAY KA WAZIFA:YAUM E WILADAT E ALI k nam.

Ye jo wazifa hain wo ilhaami wazifa hain aur insha Allah es wazifa ko apnanay walay ki rizq ki tangi jo ki aaj kal kafi log eski shikayat kar rahay hain wo dur hogi aur Allah thoday me bhi ziada ki barkat deta jaega.
TAREEQA: ek dam aasan hain.rozana subah fajr ki namaz k bad aur tuloo aftab se pahlay ka waqt hain.es waqt k darmiyan me aapko bawuzu ho kar pak saf jagah baith jana hain aur 11-11 martba awaal o aakhir durood sharif parhay aur Surah e Yaseen sharif parhna shuru karay aur Yasin sharif me lafz Mubeen jahan aaye wo lafz parh kar wahan 202 martba ism e Wah-Habu ko parha jaen.yani 202 martba Ya Wah-habu parhay.aur phir aagay parhay dusri mubeen pe bhi esi tarha 202 martba parhna hain aur yaseen sharif me 7 mubeen hain har mubeen pe 202 martba یا وھابُ parha jaega.aakhri mubeen pe bhi esi tarha parh kar yaseen aagay parh kar mukammal karlay.aadhay ghantay k karib waqt lagaega.aur aakhir me Allah se dua mangay ki parhnay me koi galti hui hain to muaf karay aur es wazifay k tufayl aapkay rizq me khub khub barkatay day.insha Allah dhiray dhiray aapko es wazifa ka faiz hasil honay lagaega aur ghar me barkato ka nuzool hona shuru ho jaega.Allah ka shukr ada kartay rahay aur es wazifay ko ta umr apna wazifa banaliya jaen aur apnay gharwalo ko bacho ko rishtaydaro ko bhi es wazifay ki talim di jaen.
bahot hi israr liye huvay wazifa hain.aakhir me naqsh de raha hun jo ki aap kisi se likhwa lay ya khud likhlay copy eski kam nahi degi.
chota naqsh likhay laminate karwaye aur khula naqsh rakhna hain.modna nahi hain.rozana parh kar naqsh pe dam karliya jaen taki kabhi kisi din wazifa chhut bhi jaen to barkato ka faizan zari rahay.wazifa waqt muqrar rakhnay ki zaroorat nahi bas tuloo aftab se pahlay parhlayna hain aur kisi din kisi sabb se tuloo aftab se pahlay na parh paen to jo bhi waqt maiyassar aaen parh lijyega tark karna nahi chahiye.
*khwateeno ko makhsoos ayyamo me wazifa nahi parhna hain aur jab paki hasil ho jaen to parhna shuru karday.
ab ek raaz ki bat ki aadad 202 martba parhna hain to ye Aaadad ism e pak Rabb w Barr k jo ki dono hi Allah k sifati nam hain.ربُّ aur برُّ .dono k aadad 202.
huzur nabi e pak sallallahu alayhi w sallam k ism e mubarak k Muhammad k aadad hain 92 aur BaBul Ilm Maula e kayenaat Hazrat Ali alayhis salam k aadad hain 110.
92+110=?
7 aasman 7 zamin 7 sitaray 7 mubeen...Wah-habo k aadad 14 es wazifay ki tadada 1414....Masha Allah...!

Feb 11, 2018

#AANKHON KI ROSHNI BARHANAY K LIYE AUR CHASHMAY K NUMBER KO DUR KARNAY K RUHANI TAREEQAY:

Ye jo tareeqa likh raha hun wo ek bahan k mail k reply me likh raha hun.aur ye tareeqa jo hain wo mera mujarrib hain.kiyu k mainay es tareeqay se kai marizo ka elaj kiya hain.Allah nay chaha to jo bhi es tareeqay se faeda uthaengay insha Allah zaroor zaroor usko shifa hasil hogi.
Nazar ki kamzori ki kai wajohat hain jismay paidaeshi bhi hain aur kuch khamiya kamiya apni khurak aur digar aadat se paida hoti hain.ye tareeqa ruhani hain esliye aapko ye maloom nahi karna hain ki jo taklif hain wo jismani hain ya ruhani kiyu k Allah taala k qalaam aur unkay habib e kareem sallallahu alayhi w aalehi w sallam k bataye nuskhon me shifa hi shifa hain.
Sab se pahlay to us pak zat ki bargah me dua hain ki Allah taala unkay habib e pak sallallahu alayhi w aalehi w sallam k noor k tufayl tamam mominin ko aankhon ki binayi ki kamzori se mahfooz rakhay aameen.

Do tareeqa likh raha hun aur mera mashwara hain ki aap dono tareeqay pe amal karay insha Allah bahot hi faedaymand hoga.
TAREEQA awwal ye hain ki kaala surma lay aaen aur phir ek laung jo ki aksar garam masalay me estemal hota hain aur english me usay Clove kahtay hain,to ek laung lay jiski topi saalim ho yani laung tuta huva na ho uskay sar par ek dana hota hain wo tamam maujud hau.aesa laung lay aur phir uspay 21 martba Durood e Shifa sharif parh kar dam karay aur phir us laung ko surmay ki shishi me dal dijye aur rozana usmay se subah w rat ko sotay waqt ek ek salayi surma lagatay rahay.surma khatm ho jaen ya ek mahina ho jaen yani har mah laung ko tabdil karna hain aur aisay hi 21 martba durood e shifa bhi parhna hain.ye amal lagatar kartay rahay dhiray dhiray aapki aankhon ki roshni bhi barhaengi aur agar aynak[chashma-glasses] vigera pahantay hain to wo bhi insha Allah chhot jaega.ekdam aasan sa tareeqa hain aur sasta bhi.aur koi nuqsan ka andesha nahi.

TAREEQA dowm yun hain ki es tareeqay se agar aapki ankhon me roshni ki kami honay wali hain to bhi maloom ho sakti hain.yani agar nazar kamzor ho rahi hain to bhi maloom ho jaega.
Tareeqa yun hain ki mithay pakkay Anaar [POMEGRANATE] k 4-5 daanay[beej] lay aur usay saaf kapfay k tukday me rakhay aur aap aankh khol kar rakhay aur koi dusra us kapday ko bal de kar nichod kar ek do bunday dono aankhon me dalay.
Agar aankh me jalan mahsoos ho to aapki nazar kamzor hain ya phir chashma lag sakta hain.aur halki si jalan ho to koi parayshani ki bat nahi lekin halki se zara ziada jalan ho to ye bat hain.aur agar es tarha aap rozana Anar k daano ka Arq[ras-juice] daltay rahengay to bhi insha Allah nazar ki kamzori dur ho jaegi.
Lekin ye tareeqa 15 din lagatar kar saktay hain aur phir 15 din tark kardiya jaen aur phir 15 din karay.lagatar nahi karna hain aur aankhon me bunday dalnay ki 15 minits baad aankhay khuli rakhay aur thanday pani ko aankhon pe chhiraka jaen lekin ye thanda pani freeze vigera ka na ho na barf[ice] ka ho uskay khas khyal rakhay.
**NOTE: waisay es tareeqay me normal insan k liye koi nuqsan nahi par aapko koi alergy ya aankhon ki digar taklif hoto pahlay apnay doctar se mashwara karnay k bad hi es tareeqay ko apnaye.mamla aankhon ka hain koi choti bat nahi.mera kaam achi aur faedaymand baato ko aap tak pahochanay ka hain.**
Allah taala Aap sabhi ko sehat ata karay aameen.

Durood e shifa image me diya huva hain.

Dec 24, 2017

MAALI TANG DASTIYO KA KHATMA>AMAL 11V SHARIF mujarrib:


Sarkar sayyidna Peeran e peer Gaus e aazam dastageer radiallahu anhu se mansoob ye hajat ravayi karta aur mera khud ka mujarrib hain aur mainay jisko bataya hain yani khas kar meri bahno ko aur meri fufi ko aur meri mamu ki larhkiyo ko tamam ko Gaus e aazam k karam se bahot hi faeda huva hain.
Mujay to jo kuch hasil hain Aulad e Gaus e aazam k tufayl aur faizan e gausiya se hi hasil hain aur wasila darbar e Gaus me mera ajmeri hain.
Es daur me jab log maali tangiyon se hal be haal hain aur logo k pas wazaef k liye bhi waqt nahi hain aur har koi chand martba parhnay me barha faeda chahta hain.jiska meray pas ziada tod nahi to main Peeran e Peer k es Faizan ko Aam kar raha hun.jo aasani se ghar ki auratein kar sakti hain mah me sirf ek martba karna hain yani har mah ki 11ve tareekh ko 11 chand ko asar magrib k darmiyan bas aadha ghanta de aur apni tangiyon ko alwida kahay.aur ju ju faizan hasil hota jaen garibo zarooratmando pe shaffaqat barhatay jaen unko bhi kuch detay jaen.insha allah lazawaal daulat milaegi jo aapki pushto ko bhi hara bhara rakhegi.
Gaus se aazam nay Allah ta’ala k darbar me apna ek maqaam hasil kiya hain jab koi apni fariyado me Gaus e aazam ko wakil banaega insha Allah Rab e Kareem zaroor wo fariyad sunayga aur Allah ki imdad hasil hogi.
Gaus e Aazam shaiykh Abdul Qadir jillani radi allahu anhu nay khud farmaya hain ki koi meray wasilay se mangay aur ata na ho to qiyamat k din mera daman aur uska hath hoga.matlab ki Allah taala uski jaez hajat zaror zaroor puri farmaega.

#TAREEQA :
Eskay liye ek pak saaf kamra ya phir kamray me koi pak saaf kona muqrrar karay achay se saaf karlay aur pani se dho kar jagah ko khushbu say mahka li jaen.
Ab ek lakday ki chauki ya phir tipoi ya aisy koi bhi chiz rakhay aur uspay sufaid kapda rakha jaen.
Ab 11 kataroya ya plates us chauki pe rakhi jaen aur usmay ghar me pakya huva mitha khana jaisay halwa ya suji ya zarda vigera rakha jaen.
Kitna pakaya jaen ye muqrrar nahi aapki hasiyat k mutabiq pakaya jaen ye zaroori nahi ki aap ziada kharch kar pakaye.aapki hasiyat k mutabiq paka kar rakhay chahay ek ek lukma hi har plates ya katori me rakha jaen.lekin pakanay me koi napak na pakaye jo bhi pakaye bawuzu pakaye aur jo aurat napak ho wo na pakaye.
Jab Allah ta’ala Gaus e aazam dastageer k tufayl barkat w wus’at ata karay to aap ziada paka kar plates me rakhay phir koi harz nahi.shuru thoday se karay jo aapko aasani se maiyassar ho.
Ab sab chizay tayyar ho jaen to pas me itr ki bottle khuli rakhay aur kuch itr kapday pe lagaye jo chauki pe bichhaya hain.aur loban ya loban ki agarabtti ya phir koi bhi khushbudar agarbatti chand jalalyi jaen aur jo ye fateha kar raha hain uska rukh janib bagdad sharif ho jo ki hindustan me shumal ki janib parhta hain.aur ye taswoor pukhta karay ki main khud en chizo k sath Sarkar Peeran e Peer k darbar me hazir hun aur aap radiallahu anhu ko nazr kar rahi hun/ya kar raha hun.
Phir بسم للہ الرحمن الرحیم  k baad ….3 martba durood e Gausiya sharif parha jaen.eskay bad ye kahay….

بَرُحِ پَاک قُطْبُ الْعَالْمِیْنَ سُلْطَانُ الْمَخْلُوقِیْنَ غَوْثِ اَعْظَمْ  مُحَیُّ الدِّیْنَ اَبُوْ مُحَمّدْ سَیِّدنَا عَبْدُ الْقَادِرْ جِیْلاَنِیْ  بَادْشَاہِ بَاِذْنِ الله
B’Ruhay Paak Qutbul Aalmeen Sultanul Makhlooqin Gausul Aazam Muhayyuddeen.
Abu Muhammad Sayyidna Abdul Qadir jeelani badshahi  bi iznillah.
Eskay bad ye 11 nam Gaus ul Aazam k parhay jaen….tamam asma 11 martba parhay.
1.Ya Sayyyidna Mohyuddin amrullah
2.Ya Shaiykh Muhayyuddeen Fadlullah
3.Ya Auliya Muhayyuddeen Amanullah
4.Ya Miskeen Muhayyuddeen Noorullah
5.Ya Gaus Muhayyuddeen Qutbullah
6.Ya Sultan Muhayyuddeen Saifullah
7.Ya Khwaja Muhayyuddeen Farmanullah
8.Ya Makhdoom Muhayyuddeen Burhanullah
9.Ya Durwaish Muhayyuddeen Aaytullah
10.Ya Badshah Muhayyuddeen Gausullah
11.Faqir Muhayyuddeen Mushahidullah
Eskay bad 8 martba Surahe Fateha Sharif Bismillah k sath parha jaen aur 11 martba Surah e Ikhlas Bismillah Sharif k Sath parha jaen.
Aur 3 martba Durood e Gausiya Sharif parha jaen.
Phir hath Utha kar Kahay ki Ya Allah mainay jo kuch bhi parha usmay meri jahiliyat k sabb kuch bhi galtiya ho teri rahmat se muaf farma aur ye jo parhnay ka sawab tu mujay atta kar wo aur jo samnay mitha khana rakha gaya hain uska sawab main Sarkar Peeran e Peer Gaus ul Aazam dastgeer radiallahu anhu ki bargah me pahochay aur
Sarkar Gaus e Aazam k tufayl Maula mujay Tangdasti se nijat atta kar Maaldar karday..aameen.
Phir ye kahay….

اَلْغَیَاثُ یَا غُوْث الْاَعْظَمْ ااَلْغَیَاثُ

اَلْغَیَاثُ یَا سَیِّد عَبْدُ الْقَادِرْ اَلْغَیَاثُ
Algyasu Ya Gausul Aazam algyaasu, Algyasu Ya Sayyid Abdul Qadir Algayaasu.
Ek martba kahay aur phir jo bhi mitha khana rakha hain wo chotay bacho me taqseem karday chahay to pas baith kar khilaye ya ghar ghar de de lekin dusray din tak nahi rakhna hain.
Bas es tarha har 11ve ko ye ahtimaam kiya karay.aur phir dekhay ki kiya hota hain aur kaisay tangdasti aapkay ghar ko Alvida kahti hain.
Kabhi aisa ho ki 11vi ko kisi sabb niyaz ka ahtimam na ho paen to kisi bhi din kar saktay hain ya phir agli 11v ko do fateha karay.
Pahli martba jab fateha karay to apni income ko likh lijye.phir jab aapko mahsoos ho ki ab aapki aamdani barh rahi hain to har mah aap ki jo bhi aamdani ho usmay se 10% aap ko har Haal me Alag rakhna hain aur jab ek saal ho jaen yani 12 mah k ikattha ho jaen to usmay se 2.5% kisi garib ko de aur digar jama raqam ko aap apnay nizi estemal me laaye ya phir kahin invest karay insha Allah aap apnay es khadim ko dua diye bagair nahi rahengay.
Ye mah yani Rabbiul Aakhir [rabiul gaus] Sarkar Gaus e aazam se mansoob hain to es mah hi 11ve se shuru karay mazid faeda hoga.insha Allah.

EK TAREEQA AUR LIKH RAHA HUN…
Jab bhi kisi nag-hani musibat aan parhay chahay to shadi aaparhi hain raqam ka intzam nahi,koi muhalliq marz nay jakadliya hain ya adalat me fasay hain qaid me mubtila hain ya dr.nay aaenda kisi marz k mutaliq aagah kar diya hain,kisi ko bacha paida hona hain aur dr.nay bata diya ki operation se hi paida hoga ya aisa imkan hain.
To aap yun karay ki isha k bad rozana
11—11 martba durood e pak aur Gaus e aazam k 11 nam ko ek martba parhay.
Dusray din isha bad bhi awwal o aakhir durood e pak aur Gaus e aazam k asma ko 2 martba parhay es tarha rozana ek martba barhatay jaen.jab tak ki apka kam mukammal na ho jaen.aur rozana parhnay k bad Gaus e aazam se madad ki buhar lagatay rahay.insha Allah Gaib se sab hal hota jaega.ye bhi barha ka aazmuda hain.

Ab Durood e Gausiya shairf likh raha hun…



Allahuma Sallay Ala Sayyedina Wa Maulana Muhammadim Ma'dinil Joodi Wal Karami Wa Aalihi Wa Baarik Wa Sallim.



May 31, 2017

RUHANI RUMAAL



Ek post mainay likhi thi jo ki ‘dard jhadnay wali chhuri’k tahat thi.
Aaj ek main rumal ka amal likh raha hun.ye tareeqa mujay karib karib 4 mah pahlay ek buzurg se hasil huva hain lekin main apni mashrofiyat k baes es post kolikh nahi paya aur kai bar dimag se nikal bhi jata raha hain.

Aaj mujay laga ki ye amal likhna hi chahiye kiyu k dard jhadnay wali chhuri se kaafi logon ko faeda hasil huva hain.

Ye ek dam sa aasan tareeqa hain aur bahot hi asar rakhta hain.eskay liye aapko ek rumal layna hain.jaisa ki maulvi log rakhtay hain aisa barha rumal ya phir hath rumal bhi chalaega.
Ab es rumal ko pahlay achay se dho kar pak karliya jaen aur itr vigera bhi laga kar rakh diya jaen.phir fajr ki sunnat w farz k darmiyan aapko amal karna hain .ek bartan me itna pani lay ki jismay rumal ko bhigoya jaen aur ziada na ho taki rumal sirf bhig jaen pani kam tapkay.
Fajr ki sunnat parh kar aap bartan me pani lay kar baith jaen aur pas me rumal rakhliya jaen.
Ab 3-3 martba durood e pak aur darmiyan me #41 martba Surah e Fateha Sharif parhi jaen.parhnay ka tareeqa yun hain ki bismillah ki aakhri meem ko alhamdu k laam se mila kar parha jaen yani
Bismillah hir rahman nir raheemiLhamdulillahi…se puri surah tak.
Es tarha 41 martba parhna hain aur pani pe dam karna hain.pani pak ho.
Ab rumal ko us bartan me dal diya jaen jismay damshuda pani hain.jab rumal bhig jaen to usay nikal kar kisi aisy jagah sukhaya jaen ki ussay jo pani tapkay wo kisi napak jagah pe na giray aur dhup bhi na lagay.yani chhaon me saaya me sukhaya jaega.agar pani bach jaen bartan me to usay deewar vigera pe chhirak diya jaen.aur pani tapkay uskay nichay thaal vigera rakh liya jaen taki us pani pe bhi kisi ka peir na parhay.
Es tahra rozana 41 din tak karna hain.
Agar kisi din fajr me sunnat w farz k darmiyan na parh paen to naga na karay jab bhi waqt maissar aaen amal karlijyega.
Amal k dauran kisi qism ka koi parhez nahi hain.
**aur es mah to ramzan chal raha hain to ye amal karna aasan ho jaega aur faeda bhi ziada hoga insha Allah.
Jab rumal tayyar ho jaen to aap k pas koi mariz aayen to usay es rumal se jhaday aur sath me dhimi aawaz me surah e fateha parhtay jaen insha allah chand martba jhadnay se har nazar bimari dard se aaram ho jaega.aur kisi ko bhukhar ho to pahlay pani me rumal ka ek sirra jara sa dubo kar wo pani pilaye aur phir jhaday insha Allah bukhar utar jaega.rotay huvay bachay bhi achay ho jaengay.garz ki har ek amal k sath es rumal se jhaday bahot faeda hoga.aseb sehar k mariz ko bhi jhaday aur surah e fateha sharif parh kar pani pilaye.usay bhi faeda hoga.
Kabhi rumal ko dhonay ki zaroorat ho to pak saaf pani lay kar usmay 41 martba surah e fateha dam karay aur rumal dubo kar teen martba achay se nichod lay aur saaya me sukhaliya jaen.
Surah e fateha tamam marz ki ruhani dawa hain aur sunnat w farz k darmiyan me parhnay ka hadis sharif me aaya hain aur marz k sath es tarha parhnay se har hajat w dua kubool hoti hain.
Jo bhi dawaa mariz estemal kartay ho 3 martba 
بسم الله الذي لا يضر مع اسمه
 شيء في الأرض ولا في السماء وهو السميع العليم 
Bismillahi La Yadurru Ma’asmihi Shay’un Fil Ardi Wala Fis samai wa Huwa’s sami’ul Aleem.
Aur 5 martba surahe e fateha dam karkay day to insha Allah dawa nuqsan bhi nahi karaegi aur mariz ko jald faeda hoga.
Es daur me aksar milawati khana fruits etc mil raha hain aur har chiz milawati mil rahi hain.jiskay khanay se mukhtalif bimariya lag rahi hain.es daur me es dua ko rozana khanay se pahlay ek martba parh kar khana shuru kiya jaen to insha Allah aisay milawati khano se paida honay walay nuqsanat se hifazat hogi.
Ye hi dua apni larhkiyon/bahno ko aaytul kursi k sath talim de kiyu k barha zalim daur chal rha hain.kab kiskay sath kiya ho jaen kah nahi saktay hain.esliye ghar se nikaltay waqt 3 martba ye dua aur 3 martba aaytul kursi parh kar khud pe dam karkay hi niklay ye bata diya jaen aur jahan kahi kisi sakht halat ka samna ho dil me ye hi dua parha karay insha Allah gaibi taur pe hifazat ka bando bast ho jaega.

*ek khas bat likh dun ki aaj kal kai saray aisay farzi aur besharm aur daikait qism k amil internet pe maujud hain jo logo ko ek chotay se amal ki ijazat k liye dhero rupay mangtay hain aur bichara ijazat ka paisa denay wala ye samjta hain ki wo paisa dedega aur amal me wo dhogi amil ijazat de dega to fauri usay koi maukkil ya hamzad jinn pary mil jaegi.bhai meray aisay machchar bhi hasil nahi hoga.ye sabh dhong hain aur lootnay k tareeqay hain.ijazat ka maana hain ki rahnumayi aur amal ki sahih maloomat karwana aur jisay aisi quwat hasil karnay ka shouq ho usay bhi pahlay kuch jankari hasil karni hoti hain.aur chilla dar chilla karnay ki himmat honi chahiye.
esliye aisay FAKE amilon ko paisa na de aur zaroori nahi ki aapkay pas muakkil jinn hongay to aap betaj badshah ho jaengay.balki zimmedariya barh jaegi aur kai bar musibatay khari ho jati hain.esliye behtar tareeqa hain ki waqt e zaroorat sirf ism ya aayat surah vigera se parh kar madad li jaen.na ki khud ko khatro me dala jaen wo bhi bhari raqam chukanay k bad.

Aug 7, 2016

‪#‎SHARF‬ E ATARAD KA AMAL :

Sitara Atarad ka insani dimag se talooq

mana jata hain aur taleem w tarbiyat se

eska barha gehra talooq hain.ye sitara

zojasdain hain yani na nek hain na bad aur

 nahi nahas hain ye saad k sath saad ho 

jata hain aur nahas k sath nahas.daeratul

 burj me esay JOZA aur SUMBOLA ka hakim

 sitara mana gaya hain.joza eska zati burj

 hain aur saani burj sunbola hain.


Atarad ko burj sunbola k 15 darjay pe sharf

 hasil hota hain.sharf e atarad me dimag se

 mutaliqa amoor me kamyabi k liye amal ya 

naqsh taweez tilism kiye jaen to behad 

asardar hotay hain..phir chahay wo dimag ki 

kamzori ko dur karna ho yad-dast ko tez 

karna ho ya quwat e idrak yani sochnay 

samjnay ki taqt ko barhanay ka amal naqsh 

ya tilism ho ya phir kisi nayi tahreer ka

 aagaz ho ya imtihan chahay likh kar 

kamyabi hasil karnay ka ho ya bolkar en

 tamam kamo me kamyabi k liye es waqt me

 naqsh tilism tayyar kiye jaen to bahot hi 

muasseer sabit hotay hain.

Haziraat92@gmail.com


waisay es waqt k khas tilism aur naqoosh w 

ilm jafar k amaliyat vigera har ek k bas ki


 bat nahi qawaed o qawaneen se aagah hona


 zaroori hota hain.esliye jaisa ki main es


 blog pe likhta hun aasan par asardar ho 


aisa hi ek amal likh raha hun.insha Allah


 essay faeda hasil karay.


Sharf e Atarad k awaqat me jo zahan ki tezi

 k liye awqat bataya hain yani ki

#sharf e Atarad me es amal k liye muafiq

 waqt…[india new delhi]
10/08/2016 Budh.
09:09 a.m. se 10:15 a.m. saat mushtary.
بسم الله الرحمن الرحیم
بسم الله الّسمیع الْبصیر الّذی لیس کمثله شیءٌ وّ هو بکل شی ءٍ علیم برحمتک
 یا ارحم الراحمین و صلی الله علی محمد و اله اجمعین
Bismillah hir Rahman nir Raheem. Bismillahi's sami'il baseeri,al'lazee lai'sa ka'mislihi shai'un'wa huwa bikul'li shai'un aleemu. Birehmatiqa yaa arhamar raheemeen.w sallallahu ala muhammadin wa aalihi ajma'een.

Upar likhay waqt me baadam ya misri lay,

 uspay ye dua 111 martba 11-11 martba

 durood sharif k sath parh kar dam karkay 

rakhlay.

Aur rozana usmay se ek adad bachay ko 

khanay k liye diya jaen.

Aur itnay laynay hain ki kam se kam 41 adad 

to ho hi.Allah ka fazal hoga aur yad dast 

barh jaegi..in sha Allah.



May 26, 2016

ROOHANI NAQSH : Jinn Se Dosti K Amal Me Madadgar Naqsh



Es Naqsh Ko Mahinay Ki Kisi Bhi Jumerat Ko Subah Tuloo Aftab K Waqt Zafran W Arq Gulab Ki Siahi Se Sufaid Kagaz Par  Likhay.Aur Rat ko Sotay Waqt Apnay Takiye k Nichay Rakhay Aur Jis Darakht Ya Jagah Pe Aap Amal Karna Chahtay Hain Us Jagah Pe Jinn Hain Ya Nahi Wo Niyyat Dil Me Rakh Kar So Jaye.Insha Allah Pahlay Hi Din Aapko Maloom Ho Jaega.Esmay Isharon Me Bhi Bataya Jata Hain Ya Saaf Saaf Bhi.Jaisy Jisky Quwaat.
Pahlay Din Khwab Me Jawab Na Milay To Dusray Ya Tisray Din Bhi Karay.Ziada Se Ziada 7 Din Me Maloom Ho Jaega.
Ek Hi Naqsh Rozana Rakhay.Lekin Jab Jawab Mil Jaen To Usay Pak Saf Bahtay Huvay Paani Me Baha De Ya Kisi Pak Saaf Jagah Pe Dafan Kar Day.

Naqsh Likhnay Se Pahlay Aur Jab Jawab Mil Jaen Tab Kisi Garib Ko kuch Khairat De diya Jaen Jo Bhi Chahay Ek Rupya Dus Rupiya Ya Jo Aapka dil Chahay.Lenay Wala Koi bhi Mazhab Ka Ho.Mohtaj Ho.

May 10, 2016

GURBAT KA KHATMA

Mujay Rozana Aisay Mail Aur Msg Aatay Hain Jismay Log Apnay Masael Likh Kar Uska Rohani Hal Chahtay Hain.Har Ek Ki Mushkil Aur Uskay Masael Alag Hota Hain Aur Jab Main Un Tamami Mas'alay Ka Itr Nikalta Hun To #ZIADATAR Mujay Masael Paida Honay Ki Wajah 'Rupay  Ki Kami,Amdani Na Hona Ye Hi Milti Hain.Es Parayshani K Liye Huzur Nabi e Pak Sallallahu Alayhi w Aalehi w Sallam Ne Rohani  Tareeqay Ham Ummati Ko Bataya Hain.Jismay Sab Se Ziada Aasan Aur Qawee ul Asar Tareeqa Hain Huzur Nabi e Aalmiyaan  Sallahu Alayhi w Aalehi w Sallam Pe Durood Sharif Parhtay Rahna.Aur Istagfar Kartay Rahna.

Umiid Hain Aap En Pay Amal Paira Ho Jaengay Aur Allah Ki Rahmat Aapko Dhundhti Hui Dher Saara Ina'am o Ikram Liye Aaegi.Namaz Ki Pabandi Karay Aur Sath Me Ek Aur Amal Bata Raha Hun Jisko Bhi Apnalay Insha Allah Rizq Ki Tangi Aapkay Aaspas Kabi Nahi Bhatkaygi.
Shart Ek Rahegi Ki Amal Kisi Pe Zahir Na Karay.Kisi Ko Ye Amal Bataye Bhi To Ye Na Bataye Ki Aap Bhi Amal Kar Rahay Hain.

Sab Se Pahlay To Aapko Namaz Ki Pabandi Karna Hain Aur Fajr Ki Namaz K Bad Ya Phir Tuloo Aftab K 20 Minits K Bad Surah e Yaseen Sharif Parhna Hain.Awwal o Aakhir 3-3 Martba Durood e Pak Parhay Aur Agar Durood Tunajjina Sharif Parhay To Behtar Hoga Warna Jo Bhi Aapko Yad Hain Wo Durood e Pak Parhlijye.

Ab Yaseen Parhna To Hain Lekin Meri Likhi Hui Tarkeeb Se Parhna Hain.

TARKEEB  Ye Hain Ki....

Durood Sharif K Bad Bismillah Sharif Parh Kar Jab Aap Yaseen Parhna Shuru Karay Aur Lafz مبین Mubeen Pe Pahochay To Wo Lafz Parhnay K Bad...
Aapko 200 Martba 
الوھابُ
Al Wah-habo
Parhna Hain Aur Uskay Bad 44 Martba 
اللطیفُ
Al Lateefo
Parhna Hain.Phir Yaseen Sharif Ko Aagay Parhna Shuru Karay Aur Dusra Mubeen Aaen Uspay Thahar Jaen Aur Jaisay Pahlay Dono Asma Parhay Thay Thik Waisay Hi Dono Asma Usi Tadad Me Parhay Yani Ki Al Wah-habo 200 Martba Aur 
Al Lateefo 44 Martba Aur Phir Aagay Yaseen Sharif Parhna Shuru Karay.

Yaseen Sharif Me Kul 7 Mubeen Hain.Aur Aapko Har Mubeen Pe Ye Dono Asma Likhi Tadad Me Parhna Hain.

Koi Parhez Nahi Hain.Aur Har Martba Jab Mubeen Pe Thehray Aur Asma Ka Wird Karay To Apnay Maqsad Ka Dil Me Taswoor Karay Aur Jab Yaseen Sharif Pura Parhlay To Aakhir Me Allah Ki Huzur Apnay Rizq Me Barkat Ata Karnay K Liye Farakhi Ata Karnay K Liye Dil Se Aur RoRo Kar Dua Karay.Rozana Fajr K Bad  Ya Tuloo Aftab k Baad Amal Karay Aur Phir Apna Jo Bhi Kam Kaj Hain Usmay Lag Jaen Insha Allah Dhiray Dhiray Aur Allah Chahay To Usi Roz Aapko Amal Ka Asar Nazar Aaega.Kam Se Kam 41 Din Zaroor Karay Aur Agar Zindgi Bhar Kisi K Aagay Hath Faylana Nahi Chahtay Hain To Esay Apnay Mamol Banalay Aur Rat Ko Isha Bad Ek Martba Surah e Waqiya Parh Liya Karay.

Shart Ek Hain Ki Kisi Se Amal Ka Tajorba Share Na karay.Ki Mainay Ye Amal Kiya Aur Mujay Ye Faeda Hasil Huva.

*Tadad Jo Parhnay Ki Likhi Hain Usmay Kami Beshi Na Ho Jaen Eska Khyal Rakhyega.aur Kisi Sabb Waqt Pe Na Parh Paen To Jo Bhi Waqt Milay Parhliya Karay Taki Amal Pura Kharab Na ho Aur Mehnat Ka Phal Milay.

***Main Aapka Khadim Bhi Hun Bhai Bhi Hun Aur Mujay Meray Murshid Ki Ata Se Ye Amal Mila Hain.Aap Sab Ki Bhalayi K  Liye Post Ki Hain.Ummid Hain Aap Kabool Kar Apnay Masael Ka Hal Jo Ki Maali Tangi Aur Gurbat Hain Ussay Nijat Hasil Karaengay.Agar Faeda Hasil Ho To mMray Murshid Ki Sehat K Liye K Liye Dua Karyega. Muj Gunahgar K Liye Hath Utha Kar Dua Kardijyega Taki Aakhirat Me Ye Gunahgar Apnay Kartooto K Baaes Sharminda Na Ho.Aur Aap Sab Ki Duaon K Sabb Meri Bakhshih ho jaen..!