Apr 13, 2014

MIYA BIW ME MUHABBAT PAIDA KARNAY KA AMAL:

MIYA BIW ME MUHABBAT PAIDA KARNAY KA AMAL:
agar kisi wajah se miya biwi me narazgi paida ho jaen to dono me se koi ek ya jo bhi en dono ki sulah w aapsi muhabbat chahta ho wo lagatar 5 din tak kisi bhi mitthi chiz maslan,chayi,sarbat koi mithayi ho uspay 11-11 durood e pak k sath 20 martba
یا ودودُ
Ya Wadoodu
ko parh kar dam karay aur dono ko pilya jaen,5 din k andar inshallah sulah w muhabbat dubara ho jaegi.aur larahi jaghra band ho jaega.
BIWI KI BAD MIZAJI DUR KARNAY K LIYE:
shohar ki thakaan aur takalif ko rahat pahochanay wali koi hain to wo biwi hain aur agar wo bad mizaj ho to shohar ka har lamha musibat sa ban jata hain,aur zindgi bhari ho jati hain.ghar ka chain o sukoon jiskay jimmay hain wo hi agar bechaini aur taklif ka samaan ban jaen to kai jismani w roohani bimariya paida hoti hain.shaitan khush miya biwi k jagday se bahot hota hain ki es jagday se kai gunaah janam laytay hain.khair Allah tamam momin ko es fitnay se mahfooz rakhay.
hadis k mutabiq aap jab bhi bahir se ghar aaen to ghar me dakhil honay se pahlay durood e pak, bismillah sharif aur 1 bar su.ikhlas parh kar salam kahtay huvay dakhil ho aur jab andar dakhil ho kar daraja band karay to bismillah kah kar band karay.es chotay se amal k faaeday main likhnahi sakta bas itna kah sakta hun ki aapkay ghar me sukoon aaega,miya biwi me muhabbat rahaegi,bhai bhai walidaiin ka adab rahaega aur barkat rahaegi,karz jaisay sakht marz se dur rahaengay.
ab asli bat ki kisi ki biwi bad mizaj ho to...
ek bottle chambeli k tel ki le aaen aur 3 raat isha bad us bottle pe 129 martba
یا لطیفُ
Ya Lateefu
11-11 durood e pak k sath parh kar dam karay.aur agar mumkin ho to khud apnay hath se kuch tel biwi k sar pe lagaya jaen,warna biwi ko de de.ki wo khud estemal karaegi to bad mizaji dur hoti jaegi.aisay hi agar kisi ka shohar bad mizaj hain to biwi amal kar sakti hain.es amal se insha allah miya biwi me muhabbat bhi barhti hain.
MIYA BIWI KO LAGI NAZAR DUR KARNA:
kabhi aisa bhi hota hain ki barhay pyar muhabbat se rahnay walay joday larhnay jaghdnay lag jatay hain aur aapsi pyar muhabbat khatm ho jata hain.
aaj k daur ko dekh kar mujay ziadatar 2 wajah nazar aati hain ek to jadu ki kartoot 2ri nazar e bud.
jab pyar muhabbat walay joday ko nazar lag jati hain to uski muhabbat ko grahan lag jata hain.esay thik karnay k liye bhi ek rohani nuskha likh deta hun.aur ye nahi ki sirf nazar lagay to hi kiya jaen,bagair kisi aisi wajah k bhi kabhi kabhi karliya karay.muhabbat barkaraar rahaegi.
ab eskay liye agar miya mamla sahih karna chahay to wo ya biwi jo bhi chahay ki ye nazar dur ho kar wapis sab pahlay ki tarha ho jaen to kisi nek momin banday ki dukan se koi acha tohfa khariday aur par wo tohfa pahna jaen aisa ho jaisay ghadi,ring ya aisy koi chiz.
raat ko bad e isha bawuzu us chiz pe 11 martba
یا رحمٰن
Ya Rahmaanu
parh kar dam karay.aur apnay hath se apnay shohar ko ya biwi ko pahnaye.
insha allah es amal se phir se muhabbat ki wahi bahar aajaegi.jo nazar lagnay se pahlay thi.
*ek khas baat ki Allah k qalam w asma me har marz ka har mushkil ka elaj hain.ha,agar Rabb ka hukm hota hain to kisi hilay se hojata hain.par aaj kal log apni chaht ya apni hajat k liye sifligaron k dar par talway chattay nazar aarahay hain.mere bhai chahay Qalam e elahi se madad lo ya kisi jadugar sifligar se hoga wo hi jo Allah chahaega.Amal noorani Rabb ki bargah me ek dua ka dhang hain.agar kabool hui to sawaab aur maqsad dono milaega.aur maqbool na bhi hui to bhi sawaab to zaroor milaega.jab ki sifligaron se amal karwana ya karna haraam hain aur imaan ka khatra hain. aur sifli ka ek kanoon hain shayid koi janta ho ya na ho.ek hath se lo ek hath se do.
amal sifli se agar daulat hasil ki.zaroor milaegi,par sath me ghar me musibatay ya bimariya bhi aaegi.yani ek rastay se aaegi dusray se jaegi.aur musalmaan lalchaye sifli k liye? koi bhi musalmaan agar ek ungli pakdaye shaitan ko to wo pura nigal jaega.aray galat thalat parhaega to bhi asar dega.kaam kardaega.kyu ki wo chahta hain ki aap uski jaal me aaon.
mushkilay aur takaalifay kitnay dino tak rahaegi? mere bhai zindgi kuch dino ki hain. aamal ki fikr karay.
sifli pari,hamzad muakil hasil karnay me kufriyat k kalmay k chillay me kahin maut ka mokel hazir ho gaya to? wo maut kaisay hogi?
babaon k daman tham ne se pahlay hazaar baar sochlijyega.ek do sobday ko karamaat samjnay ki galtiya mat karna,waqt kah raha hain ki abhi to dajjal aaega.chamtkar pe namaskar mat karo...!
daman e gaus Se hosh sambhaltay chalo...!

Apr 5, 2014

LARHKIYON K RISHTAY K LIYE:
larhkiyon k rishtay milnay k liye,shadi k paigam aaen esliye kisi saad saat me eskay liye zohra ki saat bahot behter hoti hain.sufaid kagaz pe puri surah e Ahzab [surah no.33] ko likh kar aagay larhki ka naam m, walida likh kar kisi lakday ki peti/sandook[wooden box] me rakh kar sandook ko tala[lock] laga kar chaabi [key] ko kisi darya ya samundar me daal de.ab es sandook ko apnay ghar me rakhay.inshallah rishtay aanay shuru ho jaengay.aur agar mumkin hain to har jumua ko SURAH E AHZAB


ek bar Wird karliya karay.
surah bagair airaab likhay.airab ki zaroorat nahi.

AMAL 2
LARHKAY YA LARHKI K RISHTAY K LIYE...
بسم اللہ الرحمن الرحیم وَيَنصُرَكَ اللَّهُ نَصْرًا عَزِيزًا نَصْرٌ مِّنَ اللَّهِ وَفَتْحٌ قَرِيبٌ وَبَشِّرِ الْمُؤْمِنِينَ إِن تَسْتَفْتِحُواْ فَقَدْ جَاءكُمُ الْفَتْحُ إِنَّا فَتَحْنَا لَكَ فَتْحًا مُّبِينًا وَعِندَهُ مَفَاتِحُ الْغَيْبِ لاَ يَعْلَمُهَا إِلاَّ هُوَ وَفُتِحَتِ السَّمَاء فَكَانَتْ أَبْوَابًا إِذَا جَاء نَصْرُ اللَّهِ وَالْفَتْحُ وَهُوَ أَعْلَمُ بِرَحْمَتِكَ يَا أَرْحَمَ الرَّاحِمِينَ
es aayaat ko saad saat me zafran w arq gulab se sufaid kagaz pe likhay aur larhka ya larhki ko momjama karkay pahnaye.inshallah 40 din puray nahi hotay ki acha rishta mil jata hain.
esmay airaab laganay ki zaroorat nahi.
Aur jo aayat na likh saktay  ho wo ye naqsh galay me pahnay.naqsh k nichay naam m,walida[name wd mother] zaroor likhay.

kuch hazarat saat me na samj paen to uskay liye aasan ye hain ki muslim chand tareekh 1 se 14 k darmiyan jo jumua aaen us din sun rising k ek hours k darmiyan likhlay.
ha, jis jumua likhay us din Qamar dar Aqrab na ho.yani chand AQrab me[moon in scorpio] na ho.

naqsh khanay me jo zard rang estemal hota hain ussay likhay.corners me jo numbers hain wo naqsh ki chaal hain asli naqsh me wo nahi likhna hain.
haziraat92@gmail.com